O meco trouxo a troula e o Entroido!!!

Así de ben o pasamos estes días no cole. O meco mandounos traer todo tipo de cousas para "adornar" os nosos corpiños e rematamos a festa disfrazándonos o día 17. Os peques de 3 anos eran uns osiños panda moi amorosiños, os de 4 lindos gatiños e os de 5 divertidos pingüíns... 

Xogamos coas cores

No 1º trimestre estivemos aprendendo unha chea de cousas sobre as cores. Unha das actividades que levamos a cabo foi a mestura das cores básicas. Unha das nosas xeniais familias propúxonos un xogo que nos gustou moito e para o que só precisabamos pintura, papel, unha pelota e moitas ganas de manchar as mans. Pasámolo fenomenal!

O pasado martes os pícaros de Baio saímos de excursión. Primeiro fomos visitar o centro hípico Casas Novas e despois achegámonos ata A Coruña para comer e gozar dunha sesión de contacontos. Pasámolo xenial!!!!!!!

II CARREIRA POLA LINGUA

Os pícaros de Baio tamén participamos nas actividades da semana cultural do cole para conmemorar a festa das Letras Galegas. Coas camisetas novas e co bo xantar que nos dan no comedor podiamos estar correndo toda a tarde... 

VIAXAMOS A ETIOPÍA

O ano pasado decidimos facer un pequeno proxecto sobre os nenos/as do mundo comezando pola contorna máis próxima: Galicia. Este curso chegamos a África para coñecer a cultura do noso compañeiro Michael, Etiopía. Aí vos deixamos unha pequena mostra dalgunhas cousas que aprendimos sobre este interesante país.

Benvidos

Pícaros de Baio comeza a súa andaina! Agardamos que vos guste o recunchiño dos máis pequenos e que compartades connosco todas as nosas experiencias.